ភ្នំពេញ៖ ព្រះមហាក្សត្រនៃព្រះរាជាណាចក្រកម្ពុជា ព្រះករុណា ព្រះបាទសម្តេចព្រះបរមនាថ នរោត្តម សីហមុនី និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ស្ដេចយាងទៅពិនិត្យព្រះរាជសុខភាពនៅរដ្ឋធានីប៉េកាំង ប្រទេសចិន នៅព្រឹកថ្ងៃចន្ទ ទី២៦ ខែកុម្ភៈ ឆ្នាំ២០២៤។
ជើងយន្តហោះពិសេសនារីរដ្ឋាភិបាលកម្ពុជាបានចេញដំណើរពីព្រលានយន្តហោះអន្តរជាតិភ្នំពេញនៅម៉ោង៩ព្រឹកនេះ។
យោងតាមរដ្ឋធម្មនុញ្ញកម្ពុជា ក្នុងពេលព្រះមហាក្សត្រអវត្តមានពីប្រទេសប្រធានព្រឹទ្ធសភា សម្ដេចវិបុលសេនាភក្ដី សាយ ឈុំ នឹងដើរតួជាប្រមុខរដ្ឋស្ដីទី។
ជាទូទៅព្រះមហាក្សត្រ និងសម្ដេចព្រះវររាជមាតាជាតិ តែងយាងទៅប្រទេសចិនពិនិត្យសុខភាពជាទៀងទាត់ ២ដង ក្នុង១ឆ្នាំ នៅប្រទេសចិន៕
